MK

Monday, 28 August, 2017

順利商場

Filed under: Myself — MK @ 13:46
Tags: , ,

明嘅,領展要將屋邨商場翻新,我應該覺得習以為常,但今次變嘅係我由細到大都喺度住嘅順利邨,點都會有啲唏噓。









聽講領展就快要同個商場大裝修。今日我嚟到,發現變咗嘅主要係冇咗幾間比較多人幫襯嘅食肆,有幾間舖變咗位置;似乎未有大變化,但當領展開始做嘢嘅時候,就唔知會變成點。

我臨走時,想喺仍然「健在」嘅舊快餐店或者茶餐廳食晏,但發現食一個午餐(一碟飯加杯嘢飲)竟然都要四十幾蚊,同九龍中部嘅差唔多!係唔係佢哋要收呢個價錢,先至可以畀得起貴租,而可以有得留低?

我唔想幫襯啲出面都有嘅連鎖店(佢哋賣嘅午餐價錢真係可以平啲),於是我落咗去街市。嗰度都變咗好多,有幾個檔口變咗賣熟食。我喺一間度食盅頭飯,加杯豆漿,廿六蚊。我覺得呢個先係住喺屋邨嘅人負擔得起嘅價錢。

順利商場卅幾年歷史喇,又唔係屋邨重建,唔駛大執㗎喎。領展想將佢變成點呢?

Advertisements

Wednesday, 23 August, 2017

再度十號風球

Filed under: Miscellaneous — MK @ 10:22

「天鴿」好勁!今次打風仲撞正香港嘅大潮,大家唔好望大風呀!

喺屋企抹緊滲水地方期間 post 呢個出嚟㗎。 😭

20170823-10a

20170823-10c

20170823-10b

20170823-10d

 

Saturday, 22 July, 2017

友仔日本半自由行:第八天

Filed under: Family,Travel — MK @ 23:59
Tags: , , , , , ,

超得意遊船河

7 月 15 日
7 月 16 日 7 月 17 日 7 月 18 日 7 月 19 日 7 月 20 日 7 月 21 日 7 月 22 日
7 月 23 日 7 月 24 日 7 月 25 日 7 月 26 日 7 月 27 日 7 月 28 日 7 月 29 日
7 月 30 日 7 月 31 日 8 月 1 日 8 月 2 日

搵得意船仔遊船河

出發前,友媽喺富士山旅遊書度搵到喺富士五湖有得坐天鵝船同水陸兩用車,啱晒友仔嘅口味,所以我哋嚟日本之前就已經諗住會喺呢頭遊船河;不過嗰陣時冇留意到呢啲船可以喺邊度坐,嚟到河口湖先發現呢啲船係喺山中湖(富士五湖中最東嗰個,入河口湖之前要行另一條路),我可以坐嘅觀光巴士去唔到,要另外搵車搭。好在前日喺遊客中心拎嘅宣傳品當中見到最西面嘅本棲湖(本栖湖)有一種比天鵝船、水陸兩用車更加可愛嘅遊覽船,估計友仔一定好鍾意,而我哋嘅觀光巴士周遊券可以畀我哋坐車去本棲湖,於是我哋就計劃今日去呢度。

代辦任務……失敗!

(more…)

Friday, 21 July, 2017

友仔日本半自由行:第七天

穿洞探秘,森林漫步

7 月 15 日
7 月 16 日 7 月 17 日 7 月 18 日 7 月 19 日 7 月 20 日 7 月 21 日 7 月 22 日
7 月 23 日 7 月 24 日 7 月 25 日 7 月 26 日 7 月 27 日 7 月 28 日 7 月 29 日
7 月 30 日 7 月 31 日 8 月 1 日 8 月 2 日

終於決定好景點

喺香港搵咗一堆富士五湖一帶嘅景點,訂咗酒店之後就一直冇再計劃過,後果就係噚晚要漏夜去諗點樣善用喺呢度嗰兩日。

我哋曾經諗過去箱根、忍野八海、富士急等等,但最後決定係呢啲全部放棄,今日我哋會喺青木原樹海行森林步道,以及探嗰度一帶嘅洞穴,聽日就去遊船河,全部都係友仔有興趣嘅活動(我估係,除非唔係)。

(more…)

Thursday, 20 July, 2017

友仔日本半自由行:第六天

Filed under: Family,Travel — MK @ 23:59
Tags: , , , , ,

河口湖賞富士山

7 月 15 日
7 月 16 日 7 月 17 日 7 月 18 日 7 月 19 日 7 月 20 日 7 月 21 日 7 月 22 日
7 月 23 日 7 月 24 日 7 月 25 日 7 月 26 日 7 月 27 日 7 月 28 日 7 月 29 日
7 月 30 日 7 月 31 日 8 月 1 日 8 月 2 日

暫別東京

因為帶住友仔,友宅執行李唔敢怠慢,不過M、N、S三位喺我今朝起身時仲有好多嘢攤晒出嚟 🤣。

好在執定晒,我等埋友仔起身梳洗完,基本上就差唔多搞掂。

差唔多出門口時,我哋嗰兩個篋放近我哋房門,友仔想由房行出去,但畀兩個篋封住咗個門口。睇吓佢諗住點出嚟 🤣︰
(more…)

Wednesday, 19 July, 2017

友仔日本半自由行:第五天

Filed under: 77KG,Family,Travel — MK @ 23:59
Tags: , , ,

東京漫遊

7 月 15 日
7 月 16 日 7 月 17 日 7 月 18 日 7 月 19 日 7 月 20 日 7 月 21 日 7 月 22 日
7 月 23 日 7 月 24 日 7 月 25 日 7 月 26 日 7 月 27 日 7 月 28 日 7 月 29 日
7 月 30 日 7 月 31 日 8 月 1 日 8 月 2 日

八人團的最後一天

舊年聖誕假時友媽帶住友仔同朋友去南韓,友媽友仔嘅機票比其他人遲一日返香港;當其他人走時,友仔爆喊 😰!

今日係領袖們一齊喺日本嘅最後一日,今晚開始陸續有人會走喇。友仔又會唔會係咁呢?友爸友媽於是就同友仔講定,我哋聽日就會轉酒店,其他叔叔哥哥就會返香港喇,友仔都係爆喊 😰!不過,咁樣講定都係需要嘅,如果唔係聽日先發現冇咗咁多人,咁咪仲大劑!

(more…)

Tuesday, 18 July, 2017

友仔日本半自由行:第四天

Filed under: 77KG,Family,Hiking,Travel — MK @ 23:59
Tags: , , , , ,

攻頂

7 月 15 日
7 月 16 日 7 月 17 日 7 月 18 日 7 月 19 日 7 月 20 日 7 月 21 日 7 月 22 日
7 月 23 日 7 月 24 日 7 月 25 日 7 月 26 日 7 月 27 日 7 月 28 日 7 月 29 日
7 月 30 日 7 月 31 日 8 月 1 日 8 月 2 日

我有冇瞓過?

大概十二點半,我哋就起身喇。

其實,我瞓過幾多呢?

(more…)

Monday, 17 July, 2017

友仔日本半自由行:第三天

Filed under: 77KG,Family,Hiking,Travel — MK @ 23:59
Tags: , , ,

登上富士山

7 月 15 日
7 月 16 日 7 月 17 日 7 月 18 日 7 月 19 日 7 月 20 日 7 月 21 日 7 月 22 日
7 月 23 日 7 月 24 日 7 月 25 日 7 月 26 日 7 月 27 日 7 月 28 日 7 月 29 日
7 月 30 日 7 月 31 日 8 月 1 日 8 月 2 日

帶埋友仔上富士山?

我同友媽最初真係諗住帶埋友仔登富士山㗎,因為當童軍領袖們話要上富士山時,友媽已經話想跟埋上山;我哋一向去旅行都有帶埋友仔,所以我哋積極咁去搵帶幼兒上富士山嘅資料。

(more…)

Sunday, 16 July, 2017

友仔日本半自遊行:第二天

Filed under: 77KG,Family,Travel — MK @ 23:59
Tags: , , ,

行足成日

7 月 15 日
7 月 16 日 7 月 17 日 7 月 18 日 7 月 19 日 7 月 20 日 7 月 21 日 7 月 22 日
7 月 23 日 7 月 24 日 7 月 25 日 7 月 26 日 7 月 27 日 7 月 28 日 7 月 29 日
7 月 30 日 7 月 31 日 8 月 1 日 8 月 2 日

築地食早餐

點解S想大家七點半出發?原來佢想帶我哋去築地食早餐。佢話咁早係因為想避開朝早返工時間人潮。不過,今日係星期日喎……🤔

結果,我哋都要搞到八點左右先出到門口;不過,對於友仔嚟講,都仲係好早,尤其佢喺十二點幾之後先去瞓。

(more…)

Saturday, 15 July, 2017

友仔日本半自遊行:前言、第一天

Filed under: 77KG,Family,Travel — MK @ 23:59
Tags: , , ,

前言

7 月 15 日
7 月 16 日 7 月 17 日 7 月 18 日 7 月 19 日 7 月 20 日 7 月 21 日 7 月 22 日
7 月 23 日 7 月 24 日 7 月 25 日 7 月 26 日 7 月 27 日 7 月 28 日 7 月 29 日
7 月 30 日 7 月 31 日 8 月 1 日 8 月 2 日

一切由童軍開始

學校童軍成立五十年,眾領袖諗住搞一個大型活動慶祝。我哋曾經諗過往海外露營或與海外童軍交流,呢啲諗頭畀學校嘅課外活動主任聽到,佢多口講咗話「不如去日本登富士山」;就係咁,領袖們就決定暑假上富士山。

(more…)

Saturday, 22 April, 2017

友仔首次在單車徑踩單車

Filed under: Family — MK @ 18:58

garmin-connect-20170422

踩得好慢,係唔係?當然,因為呢次係友仔陪住我一齊踩嘛! 😍

友仔舊年踩平衡車就已經平衡得唔錯,但一直佢都唔肯試踩有腳踏嘅單車;直至星期一誤打誤撞,終於叫做可以放對腳上去腳踏度踩得到一小段距離。友爸友媽檢討以前唔成功嘅原因,可能係佢之前畀佢試踩嘅地方唔係大,佢好驚踩踩下就撞到嘢,所以諗住趁復活節假未完就帶佢去一次將軍澳嘅單車徑去試車。點知,我哋去到友仔揀嘅起點──康城站──時,個天落緊大雨!

18033845_10155104827930330_5140881757010184609_n

等咗好耐,見個天開始收雨,我哋諗住帶友仔出去踩,但友仔一直唔肯出去踩,又話「好攰」。我哋唔相信友仔講自己「好攰」,因為佢好多時都用呢個理由去推搪佢需要但唔想去做嘅嘢;我哋以為佢係驚會跌,因為佢成日話放對腳上腳踏度之後就話平衡唔到。

終於,帶到友仔出去單車徑,但個天又開始落雨,友仔就話要走,又喊住咁話「好攰」。因為我哋本來嘅目的地係調景嶺,咁落雨法我哋擔心友仔捱唔到,我哋諗住帶友仔回頭,打算由友媽帶友仔搭地鐵返屋企,而我就諗住藉呢次機會去坑口某單車舖檢查一下部單車,但友仔又再扭計,話要跟住我! 😣

我哋見由康城踩去坑口對友仔嚟講都幾遠,友媽諗住唔理友仔扭計,叫我自己去坑口,佢自己同友仔返屋企,但當時友仔就喊晒踩住架單車出嚟追番我,我哋冇計啦,由得友仔踩過來,睇下佢幾時知難而退。點知……

……唔止,仲一路越踩越興奮,同剛才喊晒口嗰陣判若兩人! 😱

友仔向來唔會直接講出心入面嘅感受;經我哋費煞思量,相信係友仔好驚濕! 🙄

結果,友仔一路踩到去坑口,仲要起碼有一半路程係踩住腳踏嘅!  😅

而我,本來下午有個約會,因為友仔堅持要跟住我而無法赴約。  😞

Tuesday, 6 September, 2016

奇蹟,沒有發生

Filed under: Miscellaneous — MK @ 00:39

票投了給陳澤滔。看到所屬的投票站打了蛇餅,一度期待奇蹟;可惜,九龍東,依然是一個悶區。

陳澤滔是有實事做了出來的,「觀塘海濱音樂噴泉」這大白象暫未成事,他和「東九龍社區關注組」應記一功。

有表現的人不能當選,可能是因為他所做的成績不是很多人知道;但看到柯創盛、謝偉俊、何君堯、蔣麗芸、葛珮帆、容海恩等人表現差勁但卻高票當選,使我無名火起。

投票率高了,但仍不夠;年輕選民的增長還不及阿爺的配票機器。有那麼多人沒有按自己意願去投票,怪不得有人說,香港人未配得有民主。

Saturday, 3 September, 2016

希望渺茫,但都要一試

Filed under: Miscellaneous — MK @ 18:51

DSC_4264

九龍東,係一個好悶嘅立法會選區。

呢一區,幾乎由建制派控制晒。佢哋嘅鐵票,幾乎令到知名度唔高嘅其他候選人冇勝算,唔似其他選區咁有希望。

不過,我真係唔想九龍東繼續悶落去。過去兩年,留意到有個組織幾落力落區做嘢,結果佢派咗一位比較年青嘅人參選。我好想畀個機會畀呢位年輕人。

雖然佢勝算不高,但我相信佢係最有心嘅一位。

Saturday, 23 July, 2016

德國恐襲,行程告吹

Filed under: Miscellaneous — MK @ 00:46

兩個旅行篋,昨晚已經幾乎收拾好,今早凌晨卻聽到慕尼黑有槍擊事件!

這宗槍擊是一星期內德國第二宗懷疑恐襲。由於今次中招的是我們的目的地,我們不可以不擔心。為了減少損失以及避免掃興,我們希望能更改機票(儘管機票最初是以優惠價錢購得,要更改可能要補很多錢)。

我們原定出發日子是星期日 (2016-07-24),發生意外時間是香港的星期六 (2016-07-23),但我們已購買的機票所屬航空公司 (Qatar Airways) 只在星期一至五辦公,我們更改或取消行程有困難。航空公司展示的香港電話號碼只有貨運部的打得通,向那部門的職員問了兩次才得到這公司在機場櫃位的電話號碼,而這個電話打了多次仍未有人接聽,我唯有去機場嘗試去找航空公司櫃位交涉。就在往機場途中,電話終於有人接聽,不過櫃位職員只能幫我取消行程而不能改機票,而我這樣取消機票的唯一好處是︰在星期一航空公司有人辦公時,我可以去找他們改機票。

理性告訴我們,取消了旅行,只是金錢損失,不過我們的心始終都有點不忿。兩個旅行篋,還是放滿了我們預備去旅行的裝備。期望不久,我們可以出發;當然,我們還是想開心的出發,平安地回來。

Sunday, 8 November, 2015

過足癮

hkcmt剛完成了「吹彈拉打」演出,興奮心情久久未能未伏。 (more…)

Next Page »

Blog at WordPress.com.